प्रेमराजलाई ५ वर्ष जेल सजाय
१९ असार, काठमाडौं । जिल्ला अदालत ललितपुरले सर्वोच्चका न्यायाधीश रणबहादुर बमको हत्यामा संलग्न बाबु थापा भन्ने मघबहादुरसहित चार जनालाई जन्मकैदको फैसला सुनाएको छ ।
थापा तत्कालीन चुरेभावरका उपाध्यक्ष समेत हुुन् । पार्टी आधारिकता विवादमा न्यायाधीश बमको फैसलाले गृहराज्यमन्त्री हुने सपना तुहिएको भन्दै उनकै योजनामा २०६९ जेठ १८ गते न्यायाधीश बमको गोली हानेर हत्या भएको थियो ।
न्यायाधीश ओमप्रसाद अयार्लको इजलासले योजनाकार थापा र दीपककुमार कर्णलाई जन्मकैदको फैसला सुनाएको हो । शुटर करण भन्ने शिव चौधरी र संजय स्माइली मगरलाई सर्वश्वसहित जन्मकैदको फैसला सुनाएको श्रेश्तेदार बाबुराम दाहालले जानकारी दिए ।
न्यायाधीश बम हत्याकाण्डका अर्का अभियुक्त प्रेमराम खड्कालाई भने ५ वर्ष कैद सजाय सुनाइएको छ । हत्यामा संलग्न भएको अभियोगमा प्रहरीले बाबुसहित चार जनालार्इ २०७१ साल पुसमा पक्राउ गरेको थियो । संजय भने भागेर साउदी पुगेका थिए । बैदेशिक रोजगारीका क्रममा त्यहाँ पुगेका उनलार्इ प्रहरीले त्यही वर्ष चैतमा पक्राउ गरेको थियो ।
http://www.onlinekhabar.com/2016/06/445946/